ტექნიკის ბაზარზე ყველაზე დიდი არჩევანითა და ყველაზე დაბალი ფასებით წარმოდგენილი კომპანია „ტექნო ბუმი" ხელისუფლების ცვლილებით, საქართველოში ბიზნესის ტერორისგან გათავისუფლების შემდეგ, განვითარების ახალ ეტაპზე გადავიდა და ამ მიზნით, სამომავლო განვითარების სტრატეგია შეიმუშავა. ახალი სტრატეგიის ფარგლებში დღეს „შერატონ მეტეხი პალასში" „ტექნო ბუმმა" სადილერო კონფერენცია გამართა , რომელშიც საქართველოს მაშტაბით 100-მდე დილერი მონაწილეობდა. კომპანიის დამფუძნებელმა ანზორ ქოქოლაძემ ახალი სტრატეგია, 2013 წლის საბითუმო გაყიდვების მიმართულებები და დილერებისთვის საინტერესო შეთავაზებები განიხილა. მისი თქმით, „ტექნო ბუმის" დილერები კომპანიასთან თანამშრომლობის შედეგად საინტერესო პირობებით და ბენეფიტებით ისარგებლებენ. მათ შორის, ყველა დილერს საშუალება ექნება გახდეს „ტექნო ბუმის" დილერი, სტრატეგიული დილერი ან ფრანჩაიზ-დილერი. სამივე შემთხვევაში ისინი „ ტექნო ბუმის" სხადასხვა სახის მხარდაჭერით ისარგებლებენ.
გარდა ამისა, დღევანდელ კონფერენციას „ტექნო ბუმის" პარტნიორ „ვითიბი ბანკ ჯორჯიას" წარმომადგენლები ესწრებოდნენ, რომლებმაც განაცხადეს, რომ ბანკისთვის „ტექნო ბუმი" დაფუძნების დღიდან სტრატეგიული პარტნიორია და სწორედ ამიტომ „ვითიბი ბანკი ჯორჯია" „ტექნო ბუმის" ყველა დილერს განვადებისთან ერთად ინდივიდუალურ ბიზნეს-სესხებს შესთავაზებს.
კონფერენციაზე ასევე საუბარი შეეხო „ტექნო ბუმის" გაყიდვის შემდგომი სერვისის ამაღლებას. მენეჯმენტის ცნობით, ამ მიზნით მუშაობა კომპანიაში ყოველდღიურ რეაჟმში მიმდინარეობს.
ამჟამად ტექნო ბუმი ბაზარზე 100-ზე მეტ ტექნიკის მაღაზიას ამარაგებს მსოფლიოში ცნობილი ბრენდების ტექნიკით.
2013 წლითვის კი ლიდერის პოზიაციას დაიკავებს.