საქართველოს პრემიერ-მინისტრი ბიძინა ივანიშვილი ილია ჭავჭავაძის მედლით დაჯილდოვდა. მედალი ბიძინა ივანიშვილს ილია ჭავჭავაძის 175 წლის იუბილის ფარგლებში საგურამოში ილია ჭავჭავაძის სახლ-მუზეუმის თანამშრომლებმა და დირექტრმა ანდრო ბედუკაძემ გადასცეს.
ივანიშვილმა სამადლობელ სიტყვაში განაცხადა, რომ ილია ჭავჭავაძე ერის მამად იწოდებოდა და არ უნდა დაიკარგოს მისი ღვაწლი.
"მისი მკვლელობიდან 105 წელი შესრულდა და თუ გადავხედავთ ჩვენი ქვეყნის წარსულს, რაც ქვეყანაში ცუდი ხდებოდა, სწორედ ამის გამოც ვიხდიდით სასჯელს", - განაცხადა ივანიშვილმა.
მისი თქმით, ილია ჭავჭავაძემ მთელი თავისი ცხოვრება შეალია ერის და ქვეყნის კეთილდღეობაზე ფიქრს და ზრუნვას.
" ის ზრუნავდა საზოგადოების ჩამოყალიბებაზე, სახელმწიფოებრიობის გამტკიცებასა და სამართლიანობაზე. დადგა დრო, რომ ილია ჭავჭავაძის ნაოცნებარი ავახდინოთ, აწმყო თუ არა გვწყალობს, მომავალი ჩვენია - ეს ილია ჭავჭავაძის სიტყვებია და სწორედაც რაზეც ილია ჭავჭავაძე ოცნებობდა, ის უნდა შევასრულოთ, რათა საქართველო დადგეს ევროპული ქვეყნების რიგში", - აღნიშნა პრემიერ-მინისტრმა.
ილია ჭავჭავაძის დაბადებიდან 175 წლის იუბილესთან დაკავშირებულ ღონისძიაზე ხელოვნებასა და კულტურაში შეტანილი წვლილისთვის, რამდენიმე პიროვნებას ილია ჭავჭავაძის პრემიაც მიენიჭება.