თბილისის მერმა გიგი უგულავამ ვარკეთილში საცხოვრებელი კომპლექსის მშენებლობა დაათვალიერა. კომპლექსი სამი 9 სართულიანი კორპუსისგან შედგება. თითოეული კორპუსის პირველ სართულზე კომერციული ფართები და პარკირების ადგილები განთავსდება. სამშენებლო სამუშაოები 6 თვეში დასრულდება. მშენებლობაზე მერიის გადამზადების პროგრამაში მონაწილე პირები დასაქმდნენ. თბილისის მერიის ინიციატივით, დასაქმების ბაზაში დარეგისტრირებულ პირთა პროფესიული გადამზადება ეტაპობრივად მიმდინარობს. პირველ ეტაპზე პროფესიული გადამზადების კურსი 28 მსურველმა გაიარა. თითოეული მათგანი მებათქაშისა და კალატოზის პროფესიას დაეუფლა და უკვე დასაქმდა.
სამშენებლო სექტორის განვითარების პარალელურად, შრომის ბაზარზე კვალიფიციურ მუშახელზე სტაბილურად მზარდი მოთხოვნაა, შესაბამისად თბილისის მერია აგრძელებს გადამზადების პროგრამას. მსურველებს შესაძლებლობა აქვთ შესაბამისი პროფესიული ცოდნა მიიღონ და ქალაქში მიმდინარე მშენებლობებზე გარანტირებულად დასაქმდნენ