ჩვ.წ.აღ. 666 წლის 30 ოქტომბერს დამანგრეველი მიწისძვრის შედეგად მაიას ცივილიზაციის ძველი დედაქალაქი ატლანი ტბა ისაბალში ჩაიძირა, რომელიც გვატემალის აღმოსავლეთით მდებარეობს. ეს ფაქტი გერმანელმა მეცნიერებმა მაიას ცივილიზაციის ხელნაწერის გაშიფვრის შედეგად დაადგინეს.
მაიას ცივილიზაციის ერთ-ერთი ხელნაწერი, რომელიც თავის დროზე ესპანურ ინკვიზიციას გადაურჩა, "დრეზდენის კოდექსის" სახელწოდებითაა ცნობილი და დრეზდენის მუზეუმში ინახება. ხელნაწირის გაშიფვრაზე მომუშავე ერთ ერთი მეცნიერის განცხადებით, მას კოდექსის გასაშიფრად 40 წელზე მეტი დასჭირდა.
"აღმოჩენამ შესაძლებობა მომცა სრულად წამეკითხა დრეზდენის კოდექსი. 52-ე გვერდზე აღმოვაჩინე, რომ მაიას ძველი დედაქალაქი ატლანი ჩვ.წ.აღ. 666 წლის 30 ოქტომბერს დამანგრეველი მიწისძვრის შედეგად ტბა ისაბალში ჩაიძირა, რომელიც გვატემალის აღმოსავლეთით მდებარეობს", - განაცხადა მეცნიერმა.
ძველ მაიაში 2156 ოქროს ფირფიტა ინახებოდა, რომელშიც დაწერილი იყო კანონი, რომლის საფუძველზედაც ცხოვრობდა ძველი ცივილიზაცია.
ექოლოტების დახმარებით ჩატარებულმა კვლევამ დაადასტურა გერმანელი მეცნიერების ჰიპოთეზა. გვატემალაში არსებულ ყველაზე დიდ ტბის ფსკერზე, რომელიც განთავსებულია 589,6 კვ კილომეტრზე და რომლის სიღრმე 18 მეტრია, აღმოჩენილია ძველი ქალაქის ნარჩენები.