,,გამოცდების ჩატარება ამ მოდელით მოსწავლის ცხოვრებაში სკოლის ფუნქციას აამაღლებს", - განაცხადა ,,ჯი-ეიჩ-ენთან" საუბარში განათლების პროფკავშირების თავმჯდომარემ მაია კობახიძემ განათლების სამინისტროს ინიციატივის კომენტირებისას.
მისივე განცხადებით, მოსწავლის ცოდნის გამოსავლენად გამოცდის ჩატარება აუცილებელია.
,, სკოლაში შეძენილი ცოდნის, შეფასების გამოვლენის უმთავრესი კრიტერიუმი არის გამოცდა და გამოცდები, რომელიც წელიწადში ორჯერ ჩატარდება ხელს შეუწყობს მოსწავლისათვის შესაბამისი უნარ-ჩვევების გამომუშავებას. არ შეიძლება ყველა მოსწავლემ, რომელიც დადის, თუ არ დადის სკოლაში სკოლის დამამთავრებელი ატესტატი მიიღოს. იმისათვის, რომ სკოლის მუშაობა სასწავლო დარგში შესწავლილი იყოს, ამისთვის საუკეთესო მეთოდი ინტენსიური გამოცდების ჩატარებაა", -განაცხადა მაია კობახიძემ.
შეგახსენებთ, რომ განათლების სამინისტროს გადაწყვეტილებით სკოლის გამოცდები წელიწადში ორჯერ სასწავლო გეგმის მიხედვით ჩატარდება.