აჭარის მთავრობის თავმჯდომარე ლევან ვარშალომიძე ბათუმის მერთან ჯემალ ანანიძესთან ერთად ახალი ბულვარის ტერიტორიაზე მიმდინარე სამუშაოებს გაეცნო.
პროექტის მიხედვით, წლის ბოლომდე სანაპირო ზოლი რამდენიმე კილომეტრით კიდევ გაიზრდება, ამ ეტაპზე სამუშაოები მიმდინარეობს გონიო-კვარიათის მიმართულებით. ხდება პრომენადისა და ველობილიკის მშენებლობა. ასევე მოეწყობა ხის ფაქტურის სავალი ბილიკი და დამონტაჟდება განათების სისტემა. ბილიკის მთელ სიგრძეზე, ზღვის მხარეს მოეწყო 0,7 მეტრის სიმაღლის საყრდენი კედელი. მიმდინარეობს ოთხი წყალგამშვები არხის მშენებლობაც. მომავალ წელს ბათუმის მერია მდინარე ჭოროხზე 900-მეტრიანი ხიდის აგებას გეგმავს.
ქალაქის ბიუჯეტიდან პროექტისთვის 10,5 მილიონი ლარია გამოყოფილი.
