საქართველოს სტატისტიკის ეროვნული სამსახურისა და შვედეთის სტატისტიკის ერთობლივი პროექტის ფარგლებში საქსტატს შვედი ექსპერტები სტუმრობენ.
შვედი კოლეგები გაეცნობიან თუ როგორ მიმდინარეობს საქსტატში ეკონომიკურ საქმიანობათა კლასიფიკატორის (NACE) 1.1 რედაქციიდან 2 რედაქციაზე გადასვლის პროცესი.
აღნიშნულ საკითხთან დაკავშირებით შვედი კოლეგები ქართველ სტატისტიკოსებს გაუზიარებენ საკუთარ გამოცდილებას და მისცემენ შესაბამისს რეკომენდაციებს.
საქსტატსა და შვედეთის სტატისტიკას შორის 3-წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის, და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტის ბიუჯეტი 4 მილიონი ლარის ექვივალენტს შეადგენს შვედურ კრონებში და მთლიანად დაფინანსებულია შვედეთის საერთაშორისო განვითარების სააგენტოს (SIDA) მიერ.
