საარჩევნო კამპანიის ფარგლებში მიღებული აკრძალული ფინანსური შემოწირულობები სახელმწიფო ბიუჯეტში გადაირიცხება.
როგორც "ჯი-ეიჩ-ენს" ცენტრალურ საარჩევნო კომისიაში განუცხადეს, აღნიშნული საარჩევნო კოდექსშია გაწერილი.
ამასთან, ისჯება აკრძალული მატერიალური შემოწირულობის მიღებაც, რის შემთხვევაშიც კანონმდებლობით მისი კონფისკაციაა გათვალისწინებული.
დასჯადია მოქალაქეთა პოლიტიკური გაერთიანების მიერ აღნიშნულთან დაკავშირებითYინფორმაციის დამალვაც, რისთვისაც პარტიას 1 500 ლარიანი ჯარიმა დაერიცხება. იმ პარტიების შემთხვევაში კი, რომლებიც სახელმწიფო დაფინანსებას იღებენ, ანალოგიური ქმედებისთვის, ჯარიმის სახით 3 000 ლარის გადახდაა გათვალისწინებული.
რაც შეეხება საარჩევნო კამპანიის ფონდის ანგარიშის წარდგენის კანონით დადგენილი ვალდებულების შეუსრულებლობას, ეს საარჩევნო კანონმდებლობის მიხედვით, მოქალაქეთა პოლიტიკური გაერთიანების დაჯარიმებას გამოიწვევს 1 500 ლარის ოდენობით. სახელმწიფო დაფინანსების მქონე პარტიების მხრიდან იგივე ქმედებისთვის კი, 3 000 ლარიანი ჯარიმის დაკისრებაა გათვალისწინებული.
