Fly Georgia ბათუმის მიმართულებით ფრენებს წყვეტს. როგორც სააგენტო "ჯი-ეიჩ-ენს" კომპანიაში განუცხადეს, ავიაკომპანია თბილისი-ბათუმის მიმართულებით ფრენებს აჩერებს, რაც ტურისტული სეზონის დასრულებას უკავშირდება. კომპანიაში განმარტავენ, რომ Fly Georgia ბათუმის მიმართულებით ფრენებს მომავალი საზღვაო ტურისტული სეზონიდან განაახლებს. როგორც ცნობილია Fly Georgia ბათუმის მიმართულებით ფრენები აგვისტოდან დაიწყო და აღნიშნულ მიმართულებას „ეარბას A319" -ით ემსახურებოდა.
შეგახსენებთ, რომ თბილისი-ბათუმის რეისს ორი ავიაკომპანია Fly Georgia და Georgian Airways-ი (აირზენა) ახორციელებდნენ, თუმცა Fly Georgia-ს "გაჩერების" შემდეგ ბათუმი-თბილისის მიმართულებით რეისებს მხოლოდ "აირზენა" განახორციელებს, რადგანაც ის ბათუმი-თბილისის მიმართულებით წლის რეგულარულ რეისებს ახორციელებს.