"სტუდენტების ნაწილი საზოგადოებრივი მაუწყებლის "ოკუპაციას" გეგმავდა", - აღნიშნულის შესახებ "ჯი-ეიჩ-ენთან" საუბარში თსუ-ის სტუდენტმა და აქციის ერთ-ერთმა მონაწილემ დიმიტრი ხუსკვივაძემ განაცხადა და აღნიშნა, აქციის მონაწილეებმა ამის ორგანიზება ვერ მოახერხეს. როგორც "ჯი-ეიჩ-ენთან" საუბარში ხუსკივაძემ აღნიშნა, საზოგადოებრივი მაუწყებლის დირექტორისგან გიორგი ჭანტურიასგან, მიიღეს პირობა პატიმრების წამებასთან დაკავშირებით ინფორმაციის ობიექტურად გაშუქების შესახებ.
"ჭანტურიასგან მივიღეთ პირობა, რომ ყველაფერს ობიექტურად გააშუქებდნენ, მაგრამ ეს იყო უბრალო დაპირება იმისთვის, რომ თავიდან მოვეშორებინეთ", - განაცხად ხუსკივაძემ და აღნიშნა, რომ სტუდენტების აქციამ საზოგადოებრივი მაუწყებლიდან მოდულის შენობისკენ გადაინაცვლა.
სტუდენტები გლდანის მერვე საპყრობილეში პატიმრების წამებაში ბრალდებული ყველა პირის დასჯასა და შს მინისტრ ბაჩო ახალაიას გადადგომას მოითხოვენ.
შეგახსენებთ, რომ საზოგადოებრივ მაუწყებელთან შეკრებილი სტუდენტები არხის ხელმძღვანელობისგან ინფორმაციის ობიექტურად გაშუქებას მოითხოვდნენ.