ავტოსაგზაო შემთხვევა მოხდა საგარეჯოს რაიონში. „ჰიუნდაის" მარკის ავტომანქანა ბოძს შეეჯახა. შემთხვევის შედეგად მანქანაში მყოფი სამივე ადამიანი დაშავდა, მათ შორის ორი უცხოელია.
საგარეჯოს სამედიცინო ცენტრიდან დაშავებულები თბილისში, ინგოროყვას კლინიკაში გადაიყვანეს.
როგორც კახეთის საინფორმაციო ცენტრს საგარეჯოს სამედიცინო ცენტრის მორიგე ექიმმა მაია სეხნიაშვილმა განუცხადა, დაშავებულებს აღენიშნებოდათ თავის, კისრისა და ზურგის ტვინის დახურული ტრავმები და ესაჭიროებოდათ კომპიუტერული გამოკვლევა.