ლოპოტას ხეობაში გამნაღმველები შევიდნენ. დევნის ოპერაციის ადგილას 10-მდე მაღალი გამავლობის სამხედრო მანქანით შევიდნენ. სამხედროების დიდი ნაწილი კვლავ ტერიტორიაზე რჩება. შსს ქვედანაყოფებს ბლოკირებული აქვთ ხეობა.
ხეობაში ანტიტერორისტული ოპერაცია გრძელდება. ადგილზე ჯერ კიდევ რჩებიან სასწრაფო დახმარების მანქანები და კატასტროფის ბრიგადის ერთი მანქანა.
სოფელ ლაფანყურში ვითარება სტაბილურია. მოსახლეობაში პანიკა არ შეინიშნება და ხალხი სახლების დატოვებას არ აპირებს.
საქართველო-რუსეთის საზღვართან, დაღესტნის მონაკვეთთან, საქართველოს ტერიტორიაზე, აღმოჩენილია შეიარაღებული ჯგუფი. შინაგან საქმეთა სამინისტროს მიერ მეორე ღამეა ხორციელდება აღნიშნული ჯგუფის დევნის ოპერაცია. სპეცოპერაციის შედეგად შსს-სა და თავდაცვის სამინისტროს 3 სამხედრო მოსამსახურე დაიღუპა. ლიკივიდირებულია 11 დივერსანტი, 6 კი ალყაშია მოქცეული. დივერსანტების ლიკვიდაცია მძევალთა ერთ-ერთი ჯგუფის გათავისუფლების დროს, ორმხრივი სროლის შედეგად მოხდა. დევნის ოპერაციის მიმდინარეობის შესახებ დეტალური ინფორმაცია შინაგან საქმეთა სამინისტრომ გვიან ღამით გაავრცელა. საგანგებო თათბირზე დაიგეგმა სპეცოპერაცია დაღესტნიდან გადმოსული კარგად შეაიარაღებული ოცკაციანი დივერსანტთა ჯგუფის წინააღმდეგ, რომლებსაც მძევლად ჰყავდათ აყვანილი ადამიანთა რამდენიმე ჯგუფი.
მასალის გამოყენების პირობები
