ავღანეთში, ბაგრამის ავიაბაზაზე, ბოევიკებმა აშშ-ის შტაბების მეთაურთა გაერთიანებული კომიტეტის მეთაურის, გენერალ მარტინ დემპსის თვითმფრინავი დააზიანეს.
ნატოს წარმომადგენელთა განცხადებით, ეს იყო შემთხვევითი გასროლა საფრენი აპარატის მიმართულებით და ინცინდენტის დროს გენერალი თვითმფრინავთან არ იმყოფებოდა.
პასუხისმგებლობა აღნიშნულ ინცინდენტზე საკუთარ თავზე თალიბებმა აიღეს.
გენერალმა ავიაბაზა სხვა თვითმფრინავით დატოვა.
შეგახსენებთ, რომ აშშ-ის შტაბების მეთაურთა გაერთიანებული კომიტეტის ხელმძღვანელი, გენერალი მარტინ დემპსი, ავღანეთში ნატოს ჯარების სარდლობასთან სამხედროებზე თავდასხმის გახშირებულ ფაქტებს განსახილველად ჩავიდა.
ბოლო ფაქტი ორი დღის წინ მოხდა, როდესაც ავღანეთის პოლიციის უნიფორმაში ჩაცმულმა პირმა ნატოს ჯარისკაცი მოკლა.
ანალოგიური თავდასხმებისას ბოლო დღეების განმავლობაში ნატოს ცხრა სამხედრო მოსამსახურე დაიღუპა.
აშშ-ის თავდაცვის მდივანმა ლეონ პანეტამ ავღანეთის პრეზიდენტს ჰამიდ ყარზაის წვევამდელებთა შერჩევის კრიტერიუმების გადახედვისკენ მოუწოდა.