შინაგან საქმეთა სამინისტროს ლანჩხუთის რაიონულმა სამმართველომ ზურაბ კვირკველია დააკავა.
შსს-ს ინფორმაციით, კვირკველიამ 15 აგვისტოს ფიზიკური შეურაცხყოფა მიაყენა საგენტო "ინფო9"-ს ლანჩხუთის ბიუროს ოპერატორ დავით ჩავლეიშვილს.
მომხდართან დაკავშირებით საქმე ადმინისტრაციულ სამართალდარღვევათა კოდექსის 166 მუხლით აღიძრა. სასამართლომ კვირკველიას 20 დღით პატიმრობა შეუფარდა.
