"ქრისტიან-დემოკრატიული მოძრაობის" ლიდერებმა ყაზბეგელ მოსახლეობასთან მასშტაბური შეხვედრა გამართეს და საარჩევნო პრიორიტეტები გააცნეს. გიორგი თარგამაძემ და გიორგი ახვლედიანმა ადგილობრივებს "ქრისტიან-დემოკრატების" ყაზბეგის მაჟორიტარობის კანდიდატი, ვაჟა მარსაგიშვილი წარუდგინეს.
თარგამაძის განცხადებით, თუკი ყაზბეგელებს სურთ გაზიფიცირების პროცესის გაგრძელება, რომელიც სწორედ ქდმ-ის და ვაჟა მარსაგიშვილის დამსახურებით დაიწყო გაზაფხულზე მათ მხარი უნდა დაუჭირონ ქრისტიან-დემოკრატებს. მოძრაობის ლიდერი ასევე ყაზბეგელებს წყალგაყვანილობის სისტემის რეაბილიტაციასა და ხევში შიდა საგზაო ინფრასტრუქტურიდს მოწესრიგებას დაჰპირდა.
"ქრისტიან-დემოკრატებმა" ყაზბეგელებს კიდევ ერთხელ გააცნეს მაღალმთიანი რეგიონების განვითარების გეგმა და დაჰპირდნენ, რომ მათი გამარჯვების შემთხვევაში შვილებს ექნებათ ხელმისაწვდომი და ხარისხიანი განათლება, მშობლები დასაქმებულები იქნებიან, ხოლო პენსიონერები დაფასებულები.
