საქართველოს მთავრობის მთავარი აქცენტი არის სწორედ ახალი ტექნოლოგიების შემოღება და ახალ ინოვაციებზე გადასვლა, - განაცხადა საქართველოს პრეზიდენტმა მიხეილ სააკშვილმა დაავადებათა კონტროლის ეროვნული ცენტრის ადმინისტაციული შენობის საძირკვლის ჩაყრის ცერემონიის დასრულების შემდეგ, რომელსაც მასთან ერთად ამერიკელი სენატორი, რიჩარდ ლუგარი და აშშ-ს თავდაცვის მინისტრის თანაშემწე, ენდრიუ ვებერი ესწრებოდნენ.
"ჩვენ მთავარ აქცენტს ვაკეთებთ ახალ ტექნოლოგიებზე. გვინდა ახალი რაღაცეების შემოღება, ინოვაციებზე გადასვლა. ეს ცენტრი არის პირველი დიდი ორგანიზაცია, რომელიც შექმნეს ამერიკელებმა საქართველოში. საქართველო რეგიონში იქნება ლიდერი ამერიკელების დახმარების შედეგად", - განაცხდა პრეზიდენტმა.