საზოგადოებრივი ჯანდაცვის ცენტრალურ საცნობარო ლაბორატორიას ამერიკელი სენატორის რიჩარდ ლუგარის სახელი მიენიჭა. როგორც ცერემონიის დასრულების შემდეგ საქართველოს პრეზიდენტმა, მიხეილ სააკაშვილმა რიჩარდ ლუგართან ერთობლივად გამართულ პრესკონფერენციაზე განაცხადა, ესაა ერთ-ერთი ყველაზე დიდი ამერიკული ინვესტიცია, რომელიც საქართველოში განხორციელდა.
"აქ გაიზრდება მთელი სკოლა ახალი ქართველი მეცნიერების. რეგიონალური მეცნიერების. და ეს არის სტრატეგიულად მნიშვნელოვანი ობიექტი ძალიან გრძელვადიანად ჩვენი ქვეყნისთვის. თითქმის დაუჯერებელია რომ ამის გაკეთება მოხერხდა. ამიტომ მე მინდა, რომ სენატორ ლუგარს ვუთხრა დიდი მადლობა. მინდა ვუტხრა ასე დიდი მადლობა, რომ მას დღეს უკეთია ჩვენი დაღუპული მებრძოლების ხსოვნის პატივსაცემად სამკერდე ნიშანი. ეს მართლაც დიდი ამერიკელი მოღვაწეა. მართლაც ძალიან მნიშვნელოვანი პიროვნებაა თავისი ქვეყნისთვის და ძალიან მნიშვნელოვანია პიროვნებაა უკვე საქართველოსთვის", - განაცხადა მიხეილ სააკაშვილმა.
