ფილიპ დიმიტროვი ევროკავშირის ქვეყნების მისიების ხელმძღვანელებთან შეთანხმებით შემდეგ განცხადებას აკეთებს. უფრო კონკრეტულად კი, საქართველოში ევროკავშირის წარმომადგენლობა რუსეთის ფედერაციის პრემიერ- მინისტრის დიმიტრი მედვედევის საქართველოს სამხრეთ ოსეთის რეგიონში სტუმრობით აღშფოთებულია.
"ევროკავშირის წარმომადგენლობა მიიჩნევს, რომ ეს ვიზიტები არ შეესაბამება სახელმწიფოების სუვერენობისა და ტერიტორიული მთლიანობის პრინციპებს. წარმომდგენლობა კიდევ ერთხელ გამოხატავს ევროკავშირის მტკიცე მხარდაჭერას საქართველოს სუვერენობისა და ტერიტორიული მთლიანობის მიმართ საერთაშორისო თანამეგობრობის მიერ აღიარებული საზღვრების ფარგლებში. წარმომადგენლობა, ასევე, ხაზგასმით აღნიშნავს, რომ ის დიდ მნიშვნელობას ანიჭებს კონფლიქტების მშვიდობიან მოგვარებას რეგიონში და მოუწოდებს ყველა დაინტერესებულ მხარეს, ძალისხმევა გამოიჩინონ ამ მიმართულებით"- ნათქვამია ფილლიპ დიმიტროვის განცხადებაში.
მასალის გამოყენების პირობები
