ყველა მთავრობა გამოიცვლება, ყველა ლიდერი შეიცვლება, მაგრამ საქართველოს ვეღარავინ ვეღარ დააკნინებს და მუხლებზე ვერ დააჩოქებს, რადგან ჩვენ გავუგეთ გემო თავისუფლებას, ჩვენ გავუგეთ გემო აღმშენებლობას", _ განაცხადა საქართველოს პრეზიდენტმა მიხეილ სააკაშვილმა დღეს ახალციხეში, მოსახლეობასთან სიტყვით გამოსვლისას განაცხადა.
მისივე თქმით, პრორუსულ ელემენტებს საქართველოს აღმშენებლობაში ყველაზე მეტად იუსტიციის სახლები აღიზიანებთ.
"ეს სწორედ იმიტომ, რომ ვეღარასოდეს ამ გამჭვირვალე შენობაში ვეღარ შეძლებენ ისინი ძველებურად ქრთამების აღებას, თვალების ჩაპაჭუნებას, ხალხის ჩაგვრას. საერთოდ სხვა ფსიქოლოგია შეიქმნა. რატომ აღიზიანებთ პრორუსულ ელემენტებს საქართველოში ეს სახლები, ახალი პარლამენტი ქუთაისში, რატომ აღიზიანებთ ყბადაღებული შუშის ხიდი _ იმიტომ, რომ ეს ყველაფერი ახალი საქართველოს სიმბოლოებია - ორუფციისგან, ძალმომრეობისგან, თავისუფალი ხალხის მსახურებაში მყოფი მთავრობის", - განაცხადა მიხეილ სააკაშვილმა.
