თბილისი საქალაქო სასამართლოს გადაწყვეტილებას ,,ქართული ოცნების" ადვოკატები გაასაჩივრებენ. როგორც ჟურნალისტებთან კოალიციის ადვოკატმა შალვა თადუმაძემ განაცხადა სასამართლოს გადაწყვეტილება ბუნდოვანია.
,,გაუგებარია რას უკავშირდება სასამართლოს განჩინება, რადგდან სასამართლო ორმაგი სტანდარტებით მოქმედებს და აცხადებს, რომ საქმე საგამოძიებო ორგანოში მიმდინარეობს, მაგრამ რომელ საგამოძიებო ორგანოში, რა მუხლითაა აღძრული საქმე საუბარი არ არის. განჩინება ბუნდოვანია, მაგრამ მიუხედავად ამისა, რადგან მართლმსაჯულება საქართველოს ტერიტორიაზე ხორციელდება, ბანკები ვალდებულები არიან აღნიშნული განჩინება შეასრულონ", _ განაცხადა თადუმაძემ.
შეგახსენებთ, რომ თბილისი საქალაქო სასამართლომ ,,ქართული ოცნების" ერთ-ერთ ლიდერს კახი კალაძეს საქართველოში არსებული ყველა საბანკო ანგარისი დაუყადაღა. ამასთან ადვოკატებს საქალაქო სასამართლოს გადაწყვეტილების გასაჩივრება ხვალ ხუთ საათამდე შეუძლიათ.
