,საკომპენსაციო თანხების დარიგება, სავარაუდოდ, აგვისტოს პირველ რიცხვებიდან დაიწყება", _ განაცხადა ტრადიციულ ბრიფინგზე პრეზიდენტის პრესსპიკერმა მანანა მანჯგალაძემ, რომელმაც აღნიშნა, რომ პროცესი 15 აგვისტოსთვის დასრულდება.
,,საკომპენსაციო თანხების დარიგება, სავარაუდოდ, აგვისტოს პირველ რიცხვებიდან დაიწყება, როცა კახეთის რეგიონიდან ჯანდაცვის სამინისტროში შევა საბოლოოდ დაზუსტებული სიები. სავარაუდოდ, უკვე 15 აგვისტოსთვის კომპენსაციების დარიგება დასრულებული იქნება", _ განაცხადა მანჯგალაძემ, რომელმაც აღნიშნა, რომ დაზარალებული მოსახლეობის დასახმარებლად 160 მილიონი ლარი გამოიყოფა.
,,საბიუჯეტო ცვლილებებით მთლიანობაში გათვალისწინებულია 160 მილიონი ლარიოს მობილიზება-გადანაწილება. ბიუჯეტში პრაქტიკულად, ახალი პროგრამა შეიქმნა, ეს არის სტიქიის შედეგების ლიკვიდაცია. 50 მილიონით დაფინანსდება სტიქიის შედეგების სალიკვიდაციოდ განხორციელებული გადაუდებელი ღონისძიებები მათ შორის დაზიანებული სახლების რეაბილიტაცია, დაზარალებული მოსახლეობის საკვები პროდუქტით მომარაგება, სასოფლო-სამეურნეო სავარგულების მფლობელებისთვის კომპენსაციების გადაცემა", _ განაცხადა მანჯგალაძემ.
