თურქეთში ტრეფიკინგის ბრალდებით ორგანიზებული ჯგუფი დააკავეს.
რუსთავი 2-ის ინფორმაციით, ორგანიზებული ჯგუფის წევრები უცხოეთიდან მოტყუებით ჩამოყვანილ ქალებს პროსტიტუციაში ჩართვას აიძულებდნენ.
დაკავებულია 66 ადამიანი. დაკავებულთა შორის არიან ქართველი ქალებიც, თუმცა პოლიცია ჯერ-ჯერობით მათ ვინაობას და რაოდენობას არ ასახელებს.
გავრცელებული ინფორმაციით, ქალები თურქეთში მოტყუებით, დასაქმების პირობით ჩაიყვანეს.
სპეცოპერაცია იზმირში და ანტალიაში ჩატარდა, რისთვისაც სამართალდამცველებს ექვსთვიანი მუშაობა დასჭირდათ.
