უბედური შემთხვევა მოხდა დედოფლისწყაროს რაიონის სოფელ სამთაწყაროში. როგორც კახეთის საინფორმაციო ცენტრს თვითმხილველებმა განუცხადეს, 13 წლის გოგონას ელექტროგამათბობელთან შეხების დროს დენმა დაარტყა, რის შედეგადაც ადგილზე დაიღუპა.
„ექიმები შემთხვევის ადგილზე რომ მივიდნენ გოგონა გარდაცვლილი დახვდათ. იგი დენის დარტყმის შდეგად ადგილზე დაიღუპა", - განუცხადა კახეთის საინფორმაციო ცენტრს დედოფლისწყაროს სასწრაფო-სამედიცინო ცენტრის დირექტორმა ნუკრი ბაღაშვილმა.
გოგონა სამთაწყაროს საჯარო სკოლის მერვე კლასის მოსწავლე იყო.
