ნაციონალური მოძრაობის საარჩევნო სიის პირვეელი ნომერი გიორგი კარბელაშვილი იქნება. "ჯი-ეიჩ-ენის" ინფორმაციით, საქართველოს ეკონომიკისა და მდგარდი განვითარების მინისტრის მოადგილეს ნაციონალური მოძრაობა პარლამენტის თავმჯდომარეობისთის ამზადებს.
როგორც "ჯი-ეიჩ-ენს" ინფორმირებულმა წყარომ განცუხადა, ნაციონალური მოძრაობიდან მომავალი პარლამენტის, სავარაუდო, თავმჯდომარე საქართველოს პრეზიდენტის განსაკუთრებული კეთილგანწყობით სარგებლობლობს. იგი გუნდის ერთგულ წევრად მიიჩნევა და მისგან რაიმე სახის პოლიტიკური რყევები მოსალოდნელი არ არის.
თავად ნაციონალურ მოძრაობაში აცხადებენ, რომ კარბელაშვილის პირველი ნომრობის შესახებ ინფორმაციას არ ფლობენ. პარლამენტარ ნუგზარ წიკლაურის განცხადებით, ყველაფერი მაშინ გაირკვევა, როდესაც სია გამოქვეყნდება.
"არ ვიცი ვერაფერს ვერ გეტყვით, სიასთან დაკავშირებით ყველა ინფორმაცია გამოქვეყნდება და ამას თვითონ ,,ნაციონალური მოძრაობა" გააკეთებს. ყველაფერი ყველასთვის ცნობილი იქნება, მაშინ როცა სია გამოქვეყნდება", - განუცხადა ,,ჯი-ეიჩ-ენთან" ნუგზარ წიკლაურმა.
რაც შეეხება დავით ბაქრაძეს მასზე ნაციონალური მოძრაობის კულუარებში საუბრობენ, რომ საკუთარი რესურსი ამოწურა და ახლა "დამსახურებული პენსიის" დრო დაუდგა. იგი ნაციონალური მოძრაობის, მომავალ ჩრდილოვან კაბინეტშიც არ განიხილება. აცხადებენ, რომ ქვეეყნის მეორე პირისთვის რიგითი მინისტრის რანგი შეუფერებელია.
გიორგი კარბელაშილს კი სიასთან ერთად ვაკის საარჩევნო ოლქში, სავარაუდოდ, ლევან ბერძენიშვილთან მოუწევს დაპირისპირება, რომელსაც ვაკეში "ქართული ოცნება" წარადგენს.
ვაკეში კარბელაშვილის კანდიდატურის დასახელება პრეზიდენტის იდეაა, იგი თავადაც იყო ამ რაიონის მაჟორიტარი დეპუტატი. პრეზიდენტი მიიჩნევს, რომ სწორედ კარბელაშვილისნაირმა კანდიდატებმა უნდა მოაგებინოს ნაციუიონალურ მოძრაობას არჩევნები თბილისში. მით უფრო, რომ ნაციონალების მიერ ვაკეში ჩატარებული გამოკითხვეებით კარბელაშვილი ბერძენიშვილს მნიშვნელოვნად უგებს.
იმის მიუხედავად, რომ კარბელაშილი ამ ეტაპზე ვაკეში აქტიურ საარჩევნო კამპანიას არ ეწევა მის წარსადგენად ნიადაგი თითქმის მომზადებულია.
სწორედ მის სახელს უკავშირდება ქართველი მეზღვაურრების გამოხსნა სომალელი მეკობრეებიდან. ასევე სოხუმში, ტყვეობაში მყოფი მეზღვაურების დაბრრუნებაც. თუმცა ამ ფაქტთან დაკავშირებით აფხაზური მხარე ირწმუნება, რომ ქართველი მეზღვაურები ტყვეები არ ყოფილან და ქართულმა მხარემ მორიგი სპექტაკლი დადგა.
ნიშანდობლივია, რომ კარბელაშვილი სომალელი მეკობრეებისგან ქართველი მეზღვაურების დახსნის შემდეგ მალარიის დიაგნოზით საავადმყოფოში მოხვდა. მოგვიანებით კი საქართველოს პრეზიდენტის ჯილდოც მიიღო. მასვე უკავშირდება ესპანეთში დაკავებული გემის, "კლარეს" ეკიპაჟის ქართველი წევრების 11-თვიანი ტყვეობის შემდეგ საქართველოში დაბრუნება.
კარბელაშვილის აქტივშია 2012 წლის 11 თებერვალს 24-დღიანი ტყვეობის შემდეგ 7 მეზღვაურის გათავისუფლება ოდესის პორტში დაკავეებული გემიდან Filippa C.
კარბელაშვილის სახელს უკავშირებენ საქართველოში თანამედროვე სანავიგაციო სისტემის შექმნასაც. შესაბაამის უწყებას იგი 2004-2008 წლებში ხელმძღვანელობდა.
კარბელაშვილი 2002-2004 წლებში იყო თბილისის პრემიერის მოადგილე; 2000-2002 წ.წ. საქართველოს ტრანსპორტისა და კომუნიკაციების მინისტრის მოადგილე; 1998-2000 წ.წ. საქართველოს კავშირგაბმულობისა და ფოსტის მინისტრის მოადგილე; 1996-1998 - შპს ,,ტელეცენტრის" გენერალური დირექტორის მოადგილე; 1990-1992 - საქართველოს კავშირგაბმულობის სამინისტროში ელექტროკავშირგაბმულობის ინსპექციის უფროსი; 1983-1990 - რადიოფიკაციის რესპუბლიკური კვანძის ელექტრომექანიკოსი, ინჟინერი შემდდგომ უფროსი ინჟინერი; 1980-1983 - ქ. თბილისის სატელეფონო კვანძში ელექტრომექანიკოსი; 1979-1980 - ტელერადიოკომიტეტში ელექტრომექანიკოსი;