საქართველოს პარლამენტის თავმჯდომარე დავით ბაქრაძე ევროპის დემოკრატიულ სტუდენტთა კავშირის სტუდენტებს შეხვდა. პარლამენტში გამართულ შეხვედრის შემდეგ, ბაქრაძემ ჟურნალისტებთან განაცხადა, რომ მომავალი ევროპელი პოლიტიკოსები საქართველოს დროულად უნდა გაეცნონ.
მისი თქმით, საქარველოს მიზანია ევროპაში ინტეგრაციია და რაც უფრო ადრე გაიცნობენ ისინი საქართველოს, რაც უფრო ადრე აღიქვამენ მას ევროპულ ქვეყნად და ევროპული ცივილიზაციის ნაწილად, მით უფრო გაგვიადვილდება ამ ამოცანის მიღწევა.
,,ამიტომ, მნიშვნელოვანია არა მხოლოდ მოქმედ პოლიტიკოსებთან შეხვედრა, არამედ იმ თაობასთანაც, რომელმაც რამდენიმე წელიწადში, როცა საქართველო ევროკავშირის და ევროპის სრულფასოვანი ნაწილი გახდება, უნდა გადაიბაროს ევროპის პოლიტიკური მართვა", - აღნიშნა ბაქრაძემ.
პარლამენტის თავმჯდომარის ევროპის დემოკრატიულ სტუდენტთა კავშირის წარმომადგენლებთან შეხვედრას ესწრებოდნენ: პარლამენტის საგარეო ურთიერთობათა კომიტეტის თავმჯდომარე აკაკი მინაშვილი, კომიტეტის თავმჯდომარის პირველი მოადგილე ირაკლი ქავთარაძე და კომიტეტის თავმჯდომარის მოადგილე გიორგი კანდელაკი. ასევე, იურიდიულ საკითხთა კომიტეტის თავმჯდომარის პირველი მოადგილე ჩიორა თაქთაქიშვილი.