საქართველოს პარლამენტის თავმჯდომარე დავით ბაქრაძე ბანკების მიერ "ნაციონალური მოძრაობის" საარჩევნო კამპანიის დაფინანსებას უარყოფს.
როგორც ბაქრაძემ 12 ივნისს, სასტუმრტო "ტიფლის თაუერში" "ვი-თი-ბი ბანკისა" და "ტაოპრივატ ბანკის" თანამშრომლებთან დახურულ კარს მიღმა გამართული შეხვედრის შესახებ განაცხადა, ეს შეხვედრა დახურული არ ყოფილა.
მისი თქმით, დაფინანსებას თავისი წესები აქვს, რომლებიც ბუნებრივია დაცული იქნება.
,,გუშინ დევნილებსაც და პედაგოგებსაც შევხვდი. ზუსტად იგივე წარმატებით შეგიძლიათ თქვათ, რომ კამპანიას დევნილები ან პედაგოგები აფინანსებენ, თუმცა ეს, რა თქმა უნდა, სწორი არ არის. არც ბანკის თანამშრომლები, არც დევნილები და არც სსხვა ჯგუფის წარმომადგენლები, რომლებსაც ყოველდღიურად ვხვდებით ჩვენს კამპანიას არ აფინანსებენ" - აღნიშნა პარლამენტის თავმჯდომარემ.
მისივე თქმით, ეს შეხვედრები დახურული არ არის და მედიის წარმომადგენლებს გამოსვლის სრული ტექსტებიც აქვთ ხოლმე.
,,არაფერი ამ შეხვედრებზე განსაკუთრებული არ არის, რაც გარეთ არ ითქმევა",- დასძინა ბაქრაძემ.
12 ივნისს, სასტუმრტო "ტიფლის თაუერში" დავით ბაქრაძე და პრემიერ-მინისტრი ნიკა გილაური "ვი-თი-ბი ბანკისა" და "ტაოპრივატ ბანკის" თანამშრომლებს შეხვდნენ. გავრცელებული ინფორმაციით საუბარი ბანკების მიერ, საარჩევნო კამპანიის დაფინანსებას შეეხებოდა.
