ნატოს გენერალური მდივნის სპეციალურ წარმომადგენელთან სამხრეთ კავკასიასა და ცენტრალურ აზიაში ჯეიმს აპატურაისთან, პარლამენტში გამართულ შეხვედრაზე, საქართველო-ნატოს მომავალ ურთიერთობებზე იმსჯელეს.
პარლამენტის საგარეო ურთიერთობათა კომიტეტის თავმჯდომარე აკაკი მინაშვილის განმარტებით, ჯეიმს აპატურაისთან შეხვედრაზე ისაუბრეს, თუ როგორ გაგრძელდება საქართველო-ნატოს ურთიერთობა ჩიკაგოს სამიტის შემდეგ, სადაც სერიოზული წარმატებას მივაღწიეთ, როდესაც აღიარებული ვართ, როგორც ასპირანტი სახელმწიფო.
აპატურაი პარლამენტში დღეს პარლამენტის თავმჯდომარეს დავით ბაქრაძესა და დეპუტატებს დახურულ კარს მიღმა შეხვდა. შეხვედრის დასრულების შემდეგ ჯეიმს აპატურაის ჟურნალისტებთან კომენტარი არ გაუკეთებია.
