დღეს, 4 ივნისს, აშშ-ის სახელმწიფო მდივანი ჰილარი კლინტონი კავკასიურ ტურნეს იწყებს.
კავკასიის ქვეყნებში ვიზიტისას სახელმწიფო მდივანი რეგიონალური უსაფრთხოების, დემოკრატიისა და ტერორიზმთან ბრძოლის საკითხებს განიხილავს.
"4 ივნისს სახელმწიფო მდივანი სომხეთში პრეზიდენტ სერჟ სარგსიანს და სხვა ოფიციალურ პირებს შეხვედება. ასევე გაიმართება შეხვედრა სამოქალაქო საზოგადოების წარმომადგენლებთან. 5 ივნისს მონაწილეობას მიიღებს აშშ-საქართველოს თანამშრომლობის საკითხების კომისიიის პლენარული სხდომის გახსნაში, ბათუმში. ის, ასევე შეხვდება ქვეეყნის პრეზიდენტს მიხეილ სააკაშვილს, გამართავს შეხვედრებს პოლიტიკოსებთან და სამოქალაქო საზოგადოების აქტივისტებთან", - აღნიშნავს სახელმწიფო დეპარტამენტის პრეს-სამსახური.
აზერბაიჯანში კლინტონი 6 ივნისს ჩავა. იქაც გაიმართება შეხვედრები პრეზიდენტ ჰეიდარ ალიევთან და სამოქალაქო საზოგადოების წარმომადგენლებთან.
ბაქოდან კლინტონი თურქეთში გაემართება და კონტრტერორიზმის საკითხებისადმი მიძღვნილ კონფერენციას დაესწრება. შეხვდება ქვეყნის ხელისუფლების წარმომადგენლებს.
