თბილისის მასშტაბით ტელევიზორთან ბრძოლა კომპიუტერმა წააგო, რადგანაც გამოკითხული მოსახლეობის 48 %-ი უპირატესობას ტელევიზორთან ყოფნას ამჯობინებს. "ეისითის" კვლევის თანახმად, რომელიც იკვლევა ადამიანები სახლში ყოფნისას, უფრო დიდ დროს კომპიუტერთან ატარებთ თუ ტელევიზორთან, ლიდერ პოზიციაზე ტელევიზორი აღმოჩნდა (48 %). ხოლო რაც შეეხება კომპიუტერს- მას უპირატესობა გამოკითხულთა მხოლოდ 28 %-მა მიანიჭა.
მხოლოდ 10 %-მა განაცხადა, რომ ტელევიზორსაც და კომპიუტერსაც ერთიდაიგივე დროს უთმობს. გამოკითხული თბილისელების 1 %ს სახლში არ გააჩნია კომპიუტერი. აღსანიშნავია, რომ გამოკითხული მოსახლეობის 13 % ბოიკოტს უცხადებს ტელევიზორსაც და კომპიუტერსაც. დარჩენილ 1%-ს კი სახლში კომპიუტერთან ერთად ტელევიზორიც არ აქვს.
საინტერესო ისაა, რომ 18-29 ასაკობრივ კატეგორიაში კომპიუტერის მომხმარებლები მეტი არიან, ვიდრე ტელევიზორის, მაგრამ უფროს თაობაშიც უკვე აშკარაა ჩვევების ცვლის ტენდენცია.
2010 წელს, კანადაში, Ipsos-ის რეგულარულმა მონიტორინგმა პირველად დააფიქსირა ტელევიზიის დამარცხება ინტერნეტთან ბრძოლაში - აღმოჩნდა, რომ კვირის განმავლობაში კანადელები 18.1 საათს ატარებდნენ ინტერნეტში, ხოლო 16.9 საათს უთმობდნენ ტელევიზორს. თუმცა, მსოფლიო ტენდენცია ჯერაც უცვლელია და eMarketer-ის მონაცემებით, ზრდასრული მოსახლეობის უმეტესობა, საერთო ჯამში, ტელევიზორს მეტ დროს უთმობს.
რაც შეეხება ჩვენს დედაქალაქს, ბუნებრივია მსოფლიო ტენცენცია ჩვენთანაც ლიდერობს და ტელევიზია ყველაზე პოპულარულია, თუმცა, ინტერნეტის მოყვარულებიც საკმაოდ ბევრნი აღმოჩდნენ. შთამბეჭდავი ფაქტია, რომ მოსახლეობის მეოთხედზე მეტი კომპიუტერთან მეტ დროს ატარებს ვიდრე კომპიუტერთან.
