წინასწარი შეფასებით 2012 წლის აპრილში მთლიანი შიდა პროდუქტის რეალურმა ზრდამ წინა წლის აპრილთან შედარებით 5,7 პროცენტი შეადგინა.
2012 წლის I კვარტალის მიხედვით მთლიანი შიდა პროდუქტის რეალურმა ზრდამ 6,5 პროცენტი შეადგინა წინა წლის შესაბამის პერიოდთან შედარებით.
ყოველკვარტალური სტატისტიკური გამოკვლევებით დაზუსტებული მთლიანი შიდა პროდუქტის რეალური ზრდის I კვარტალის მონაცემები გამოქვეყნდება მიმდინარე წლის 19 ივნისს.
2012 წლიდან საქსტატმა დაიწყო ეკონომიკის ზრდის ყოველთვიური წინასწარი შეფასებების წარმოება, რომელიც იანგარიშება დღგ-ს გადამხდელი საწარმოების ბრუნვების, დეფლატორის, ფისკალური და მონეტარული მონაცემების საფუძველზე.