2015 წლისთვის მეტროს ხაზი მცხეთამდე ჩავა, - ამის შესახებ საქართველოს პრეზიდენტმა მიხეილ სააკაშვილმა დღეს ვარდების რევოლუციის მოედანზე, სამრეწველო აღლუმის ფარგლებში გამოფენილი პროდუქციის დათვალიერებისას განაცხადა.
პრეზიდენტმა ასევე ისაუბრა საბაგიროებზე და აღნიშნა, რომ თბილისში არსებული ყველა საბაგირო, რომელიც არ ფუნქციონირებს, აღდგება. მიხეილ სააკაშვილის თქმით, ამ საკითხზე თბილისის მერი გიგი უგულავა ინვესტორებთან აწარმოებს მოლაპარაკებებს.
პრეზიდენტის განცხადებით, ორ წელიწადში თბილისში თანამედროვე ფრანგული ტრამვაიც გამოჩნდება.
საქართველოს პრეზიდენტი დღეს რუსთაველის გამზირზე სამრეწველო აღლუმს დაესწრო, სადაც ქართული პროდუქცია იყო გამოფენილი. პრეზიდენტი რამდენიმე პავილიონში პირადად შევიდა და მოსახლეობასთან ფოტოები გადაიღო.