18 მაისს, 18:00 საათზე, ფოკუსის კაფე-რესტორანში (აბაშიძის ქ. #29) ტურიზმის ეროვნული ადმინისტრაციის მხარდაჭერით, სეზონის დადგომასთან დაკავშირებით, სვანეთის, როგორც ტურისტული ადგილის, პოპულარიზაციის მიზნით ტონი ჰანმერის ფოტოგამოფენა "A Taste of Svaneti" ეწყობა.
ტონი ჰანმერი არის კანადელი, რომელიც ინგლისურის მასწავლებელთა პროგრამით ჩამოვიდა საქართველოში, ცოლად შეირთო ქართველი ქალი და დასახლდა სვანეთში. იგი Facebook-ზე მართავს ჯგუფს Svaneti Renessance.
ფოტოგამოფენის თემაა სვანეთი - ადამიანები, ბუნება და რა თქმა უნდა საკვები, რადგან გამოფენა რეტსორანში იმართება. მიწვეული იქნებიან ძირითადად საქართველოში აკრედიტებული უცხოელი დიპლომატები და წარმატებული სვანი ბიზნესმენები. იგეგმება სვანეთთან ასოცირებული პრიზების გათამაშება.
ეროვნული ადმინისტრაციის ინფორმაციით, მსგავსი აქტივობები საგრძნობლად უწყობს ხელს სვანეთის, როგორც ტურისტული ადგილის, პოპულარიზაციასა და განვითარებას. ასევე ეხმარება რეგიონის ცნობადობის ამაღლებას და ზრდის ინტერესს საზოგადოებაში. ღონისძიებას ტურიზმის ეროვნული ადმინისტრაციის ხელმძღვანელის მოადგილე ბექა ჯაყელი დაესწრება.
