კატარის სუვერენული ფონდი საქართველოში ინვესტირების შესაძლებლობებს განიხილავს, ამის შესახებ განცხადება საქართველოს სავაჭრო-სამრეწველო პალატის პრეზიდენტმა კახა ბაინდურაშვილმა გააკეთა. ბაინდურაშვილის თქმით, ქართულმა მხარემ კატარის ბიზნესსექტორთან შეხვედრები უკვე გამართა და მათ საქართველოში ინვესტირებისკენ მოუწოდა და ქართული ბზინესგარემოს შესახებ დეტალური ინფორმაცია მიაწოდა.
"კატარაში ძირითადად ფოკუსირებული ვიყავით სხვადახვა საშუალო და დიდი კერძო კომპანიების დაინტერესებაზე, გავაცანით ბიზნეს შესაძლებლობები საქართველოში. კატარში ადგილობრივი სავაჭრო-სამრეწველო პალატა ძალზედ ქმედითი ორგანიზაციაა და შევთანხმდით, რომ უახლოეს მომავალში სავარაუდოდ ამ თვის ბოლოს დავალაგებთ საორგანიზაციო-სამართლებრივ საკითხებს, რაც დაეხმარება ბიზნესმენებს ინფორმაციის ურთიერთგაცვლაში და პარტნიორების მოძიებაში. კატარის და დუბაის პალატის ხელმძღვანელებიც დაგვპირდნენ, რომ თბილისს ეწვევიან ერთი დღით ადრე თბილისში დაგეგმილი საერთაშორისო სავაჭრო პალატის რეგიონალურ სხდომამდე და გაეცნობიან სხვადასხვა საინტერესო პროექტებს"- აღნიშნა ბაინდურავილმა.
როგორც სავაჭრო-სამრეწველო პალატის პრეზიდენტი განმარტავს, დუბაიში გამართულ ფორუმზე განსაკუთრებით მაღალი დასწრება იყო. ბაინდურაშვილის ინფორმაციით, საქართველოში ჩამოსვლით 20-მდე კომპანია დაინტერესდა, რომელიც ადგილობრივი ბიზნესკლიმატის გაცნობისშემდგეგ მიიღებენ საბოლოო გადაწყვეტილებას ქვეყანაში ინვესტირებაზე.
"გარდა თვითონ არაბულ ბიზნესთან ურთიერთობების გაღრმავების კუთხით დუბაი კიდევ საინტერესო იმითაცაა, რომ იქ განთავსებულია ბევრი მსოფლიოს წამყვანი კომპანიის რეგიონალური ოფისი, რომელთა პორტფელშიც საქართველოც შედის, დაახლოებით 20-მდე კომპანია გამოგვეხმაურა ფორუმის შემდეგ ჩვენთან ჩამოსვლის სურვილით. მინდა ხაზი გავუსვა, რომ დუბაიში ქართული ბიზნესის აქტივობა ძალიან მნიშვნელოვანია, ვინაიდან ჩვენი რეგიონისთვის ერთ-ერთ უმნიშვნელოვანეს საფინანსო-ეკონომიკურ ცენტრს წარმოადგენს"- აღნიშნა ბაინდურაშვილმა.