ტურისტული ზონის სტატუსის მოპოვების შემთხვევაში, ინვესტორები, სასტუმროს აშენებისას, 15-წლიანი საგადასახადო შეღავათებით ისარგებლებენ. ამასთან დაკავშირებით ცვლილებები "თავისუფალი ტურისტული ზონის" შესახებ კანონში შედის, რომლის ინიცირებაც პარლამენტში დღეს მოხდა.
მთავრობის საპარლამენტო მდივნის გია ხუროშვილის განმარტებით, ტურისტული ზონის სტატუსი შეიძლება მოითხოვოს იმ ინვესტორმა, რომელიც საქართველოში უკვე ფლობს მიწის ნაკვეთს და აპირებს, რომ მასზე სასტუმრო ააშენოს. მისი თქმით, შეღავათით სარგებლობისთვის, ინვესტორმა 1 მილიონი დოლარის ინვესტიცია უნდა განახორციელოს და წარმოადგინოს 10%-იანი გარანტია.
კანონპროექტის თანახმად, ინვესტორის მოთხოვნის დაკმაყოფილების შემთხვევაში, ინვესტორი 15 წლის განმავლობში მოგების და ქონების გადასახადისგან და მშენებლობის ნებართვის მოსაკრებლისგან გათავისუფლდება. ეკონომიკისა და მდგრადი განვითარების სამინისტროში არსებული სპეციალური კომისია კი იმსჯელებს ინვესტორისთვის ინფრასტრუქტურის მოწყობის თაობაზე.
კანონპროექტის განხილვა პარლამენტი უახლოეს დღეებში დაიწყება.
