ვისოლ ჯგუფი სამტრედიაში მხედველობის გაუმჯობესების კამპანიას „შეხედე სამყაროს სხვა თვალით" იწყებს
ვისოლ ჯგუფი სამტრედიაში „ჯიპიაი ჰოლდინგის შვილობილ კომპანია „ჯეოჰოსპიტალთან" ერთად მხედველობის გაუმჯობესების კამპანიას „შეხედე სამყაროს სხვა თვალით" იწყებს.
ვისოლ ჯგუფსა და „ჯეოჰოსპიტალს" შორის გაფორმებული ურთიერთთანამშრომლობის მემორანდუმის საფუძველზე სამტრედიის მრავალპროფილური ჰოსპიტალის მაღალკვალიფიციური ექიმები მხედველობასთან დაკავშირებული პრობლემების მქონე პირებს სამტრედიის რეგიონში უფასო ოფთალმოლოგიურ გამოკვლევასა და მკურნელობას ჩაუტარებენ.
ვისოლ ჯგუფის მიერ დაფინანსებული საქველმოქმედო აქციის ფარგლებში კატარაქტით დაავადებული პირებისათვის უსასყიდლოდ ჩატარდება მხედველობის კორექციის ოპერაციები და მხედველობის გაუმჯობესებისათვის ასევე უსასყიდლოდ გაიცემა ოპტიკური სათვალეებიც. მოსახლეობის სამედიცინო გამოკვლევა უბნების მიხედვით განხორციელდება. აქციაში მონაწილეობის მსურველებმა ადგილობრივი თვიმმართველობის ორგანოებს უნდა მიმართონ.
"იმერეთის რეგიონში ინტენსიურად ვმუშაობთ - ავაშენეთ ეკლესია ზესტაფონში, მხარს ვუჭერთ "ტორპედო ქუთაისს", რადგანაც წარმოშობით იმერეთიდან ვართ. გვინდა ამ რეგიონის განვითარებაში განსაკუთრებული წვლილი შევიტანოთ. სამტრედიაში ყოფნისას ჩვენ ასეულობით ადამიანს შევხვდით, რომლებსაც მხედველობასთან დაკავშირებული პრობლემები აღმოაჩნდათ. შესაბამისად, ვისოლ ჯგუფის საქველმოქმედო აქცია საშუალებას მოგვცემს ამ ადამიანებს გავუუმჯობესოთ მხედველობა, რათა მათ შეძლონ სამყაროს სხვა თვალით შეხედონ", - აცხადებს ლევან ფხაკაძე, ვისოლ ჯგუფის ვიცე-პრეზიდენტი.
დავით ჯორბენაძე, "ჯეოჰოსპიტალის" გენერალური დირექტორი: "მოხარულები ვართ, რომ ვისოლ ჯგუფმა ჩვენს ახალ საავადმყოფოზე შეაჩერა არჩევანი. სამტრედიის მრავალპროფილურმა ჰოსპიტალმა ფუნქციონირება დეკემბერში დაიწყო და ახლა მთავარი გამოწვევა ჩვენთვის ის არის, რომ სამედიცინო მომსახურება რეგიონის მოსახლეობისთვის მაქსიმალურად ხელმისაწვდომი იყოს. ვცდილობათ მუდმივად გავაუმჯობესოთ სამედიცინო მომსახურება და ეს მაქსიმალურად ხელსაყრელი გავხადოთ იმ ადამიანებისთვის, ვისაც სამედიცინო დახმარება სჭირდება. მსგავსი აქციებს, რა თქმა უნდა, უდიდესი მნიშვნელობა აქვს რეგიონის თითოეული მაცხოვრებლისთვის - განსაკუთრებით, როდესაც ყველა მსურველს შეეძლება როგორც ოფთალმოლოგთან კონსულტაციის გავლა, ისე შესაბამისი მკურნალობის მიღება."