პოლიტიკური პარტია ,,განახლებული საქართველოსთვის" ლიდერები განაგრძობენ შეხვედრებს დევნილებთან და მხარდამჭერებთან საქართველოს სხვადასხვა ქალაქებში, 12 მაისს დაგეგმილ აფხაზეთიდან და სამაჩაბლოდან დევნილთა ფართომასშტაბიანი შეკრების ორგანიზების მიზნით.
გუშინ პარტიის თბილისის ორგანიზაციის ინიციატივითა და ორგანიზებით 1000-ზე მეტი დევნილი პროფკავშირების სასახლეში შეიკრიბა. დევნილებს მოსკოვიდან მიმართა პარტიის მრჩეველმა საერთაშორისო საკითხებში მინდია გულუამ, რომელმაც შეკრებილ საზოგადოებას აქციის მხარდაჭერისა და ერთსულოვნებისაკენ მოუწოდა.
დღეს 5 მაისს, ზუგდიდში, 12:00 საათზე დაგეგმილი შეკრებისთვის, პარტიის მხარდამჭერები და დევნილები მიკროავტობუსებითა და მანქანებით დაიძრნენ მარტვილიდან, სენაკიდან, ხობიდან და აბაშიდან, რომელთაც გადაადადგილების საშუალება არ მისცეს ადგილობრივი კუდის (კონსტიტუციური უსაფრთხოების დეპარტამენტი) წარმომადგენლებმა. მათ იძულებით გადმოსვეს დევნილები ავტობუსებიდან და მძღოლებს დაემუქრნენ. ზუგდიდის შეხვედრის ერთ-ერთი ორგანიზატორის, პარტიის რეგიონალური სამსახურის უფროსის ლაშა გვასალიას განცხადებით, განსაკუთრებით აქტიურობდა ხობის კუდის უფროსი დიმა ჭაკუა, რომელიც ასევე საქართველოს სასჯელაღსრულების დეპარტამენტის უფროსის დავით ჭაკუას ძმაა. ლაშა გვასალიას განცხადებით, მიუხედავად დიდი წინააღმდეგობისა, დევნილები და მათი მხარდამჭერები ცდილობენ ოფისთან შეკრებას და შეხვედრის ორგანიზებას, სადაც მათ უნდა მიმართოს პარტია ,,განახლებული საქართველოსთვის' მრჩეველმა საერთაშორისო საკითხებში მინდია გულუამ. როგორც გულუამ სატელეფონო საუბარში აღნიშნა, დევილთა ნებას და სწრაფვას გაერთიანებისკენ ვერავინ და ვერაფერი აღუდგება წინ. სოდის, კუდისა და სპეცსამსახურების მცდლობის მიუხედავად, ისინი აუცილებლად ჩაატარებენ შეკრებას 12 მაისს თბილისში, ზუგდიდში, ბათუმში, რუსთავში, ჩხოროწყუში, სადაც დააფიქსირებენ, რომ მზად არიან თავად აიღონ ხელში თავიანთი პრობლემების მოგვარება, რაც წლების განმავლობაში ვერ გადაუწყვიტა ხელისუფლებამ.
