"წინანდლის ღვინის სკოლაში", სადეგუსტაციო კომისიის თავმჯდომარემ, საერთაშორისო ექსპერტმა ანა გოდაბრელიძემ და სკოლის თანადამფუძნებელმა, ეკონომიკის მეცნიერებათა დოქტორმა - მარკ-მილო ლიუბემ ღვინის მარკეტინგზე ლექცია წაიკითხეს.
წინანდლის ღვინის სკოლა 2011 წელს, ქართული ღვინის ინსტიტუტის ბაზაზე, სოფლის მეურნეობის სამინიტროს ინიციატივითა და ,,სილქ როუდ ჯგუფი"-ს მხარდაჭერით დაფუძნდა. კახეთის რეგიონის საჯარო სკოლის უფროსკლასელები სხვადასხვა უნივერსიტეტებიდან მოწვეული პროფესორების მიერ წაკითხულ ლექციებს მოისმენენ. გაეცნობიან ქართული და მსოფლიო ღვინის ისტორიას, შეისწავლიან ვაზის სხვადასხვა ჯიშებს. პრაქტიკული მეცადინეობების ფარგლებში ისინი ღვინის დამზადების და შემდგომ ბოთლებში ჩამოსხმის პროცესს უშუალოდ დაესწრებიან. მოზარდები ასევე მოისმენენ კურსს - მევენახეობის, მეღვინეობისა და ღვინის მარკეტინგის საფუძვლების შესახებ.
სკოლის არსებობა ხელს შეუწყობს მეღვინეობის დარგში მაღალკვალიფიციური კადრების მომზადებას, რაც თავის მხრივ, მსოფლიო ბაზარზე ქართული ღვინის პოპულარიზაციის ხარისხს კიდევ უფრო გაზრდის.
ლექციის დასრულების შემდეგ ექსპერტმა ანა გოდაბრელიძემ და მარკ-მილო ლიუბემ მოსწავლეთა შეკითხვებს უპასუხეს.
სოფლის მეურნეობის სამინისტრო აღნიშნული პროექტის მხარდაჭერას მომავალშიც აქტიურად გააგრძელებს.
