კომპანია შპს "თბილისის მიკროავტობუსმა" შეასრულა ნაკისრი ვალდებულება, რაც იყო დადგენილი სანებართვო საკონკურსო პირობებით და გულისხმობდა სამარშრუტო სქემის მიხედვით აუცილებელი რაოდენობის მიკროავტობუსების შემოყვანას და მომსახურების დაწყებას ანუ მგზავრთა გადაყვანას.
ყოველდღიურად მიმდინარეობს მიკროავტობუსების ხაზებზე შეყვანა და დაკომპლექტება. ლოჯისტიკურად ეს არის რთული პროცესი, რაც გულისხმობს გადახდის სისტემების, ფირნიშნების, ელექტრონული ტაბლოებისა და ნავიგაციის სისტემების დამონტაჟებას და მათ გამართვას, რათა დაცული იყოს ყველა ის სტანდარტი, რომელიც ხელს შეუწობს თბილისელ მოსახლეობას, კომფორტულად იმგზავროს. ასევე კომპანიამ აიღო ვალდებულება, უკლებლივ ყველა მძღოლი დაასაქმოს ახალ მიკროავტობუსებზე, რომლებიც წლების განმავლობაში მუშაობდნენ ძველ სამარშრუტო ტაქსებზე, ამის შესაბამისად მიმდინარეობს ინტენსიური შეხვედრები თითოეულ მძღოლთან, ხდება ინფორმაციის მიწოდება და ხელშეკრულების გაფორმება.
ახალი მიკროავტობუსების შეყვანა ხაზებზე ივნისის განმავლობაში დასრულდება.
