ჩეკების გათამაშება 31 დეკემბერს შეწყდება. შემოსავლების სამსახურის უფროსის №6329 ბრძანებულებით, წამახალისებელი გათამაშების რეგლამენტი დამტკიცდა, რომლშიც აღნიშნულია, რომ წამახალისებელი გათამაშება, რომელიც 2012 წლის 18 აპრილიდან ეწყობა და 2013 წლის 1-ელ იანვრამდე გარძელდება.
როგორც ცნობილია, შემოსავლების სამსახურმა ჩეკების გატამაშება 18 აპრილიდან მთელი საქართველოს მასშტაბით, ნებისმიერი (ნაღდი ფულით) შესყიდვის დროს მიღებული ჩეკით, წამახალისებელი გათამაშება დაიწყო. თამაშდება 10-, 20-, 50-, 100-, 10 000- და 50 000-ლარიანი მოგებები. გათამაშების მიმდინარეობის განმავლობაში მოგების სახით გაიცემა 9 მილიონი ლარი.
შემოსავლების სამსახურმა, მომხმარებელს მეტი კომფორტისთვის შეიმუშავა ჩეკების მომგებიანობის შემოწმების სამი მეთოდი: გათამაშების მონაწილეს შეუძლია ისარგებლოს შემოსავლების სამსახურის ვებგვერდზე, www.rs.ge - ზე, მოცემული სპეციალური ფორმით, მობილური ოპერატორებიდან (ჯეოსელი, მაგთი) *200# - ის აკრეფით და მოცემულ ველებში შესაბამისი კოდების შეყვანით და ასევე, ჩეკის მომგებიანობა შესაძლებელია შემოწმდეს სწრაფი გადახდის აპარატებით (TBC Pay და NOVA).
შემოსავლების სამსახურის გადაწყვეტილებით, 10 000- და 50 000-ლარიანი მოგებების მფლობელებს არ დაუკავდებათ საშემოსავლო გადასახადი. შესაბამის თანხას გადაიხდის თავად შემოსავლების სამსახური.
