სოფლის მეურნეობის მინისტრის მოადგილემ კონსტანტინე კობახიძემ კახეთის რეგიონში, სოფელ იორმუღალოში, სოფლის მეურნეობის განვითარების საერთაშორისო ფონდის (IFAD) დაფინანსებით მიმდინარე ხიდის სარეაბილიტაციო სამუშაოები მოინახულა.
საგარეჯოს რაიონში მდებარე ხიდი ასპინძა - დედოფლისწყარო - ახმეტა - ბარისახოს ცხვრის გადასარეკი ტრასის ერთ-ერთ მნიშვნელოვან მონაკვეთს წარმოადგენს. დღეის მდგომარეობით, აღნიშნულ ხიდს 10 000-მდე მეცხვარე და ადგილობრივი მოსახლეობა იყენებს.
ამჟამად, ხიდის გამტარიანობა მნიშვნელოვნად შეზღუდულია, რაც ზამთრისა და ზაფხულის საძოვრებზე ცხვრისა და საქონლის გადაადგილებას აფერხებს.
"სოფლის მეურნეობის ხელშეწყობის" პროექტის ფარგლებში მოხდება დაუმთავრებელი 100 მ-იანი ხიდის აღდგენა, სავალი ნაწილების რეაბილიტაცია და განაპირა დამცავი ბურჯების დაზიანებული ნაწილების განახლება.
სარეაბილიტაციო სამუშაოების დასრულება 4 თვეში იგეგმება.