აჭარის მთავრობა ტურისტული ინფრასტრუქტურის შექმნის მიზნით, სახელმწიფოს ბალანსზე არსებულ შენობა-ნაგებობებისა და მიწის ნაკვეთების მაქსიმალურად განკერძოებას გეგმავს. ამ მიზნით, აჭარის ფინანსთა და ეკონომიკის სამინისტროში უკვე შედგენილია საპრივატიზაციო ობიექტების ნუსხა და განსაზღვრულია მათი საპრივატიზაციო პირობებიც. როგორც სამინისტროში განმარტავენ, აჭარის მთავრობა დაინტერესებულ პირებს ტურისტული ინფრასტრუქტურისა, ბინათმშენებლობის და სხვა დარგების განვითარების მიზნით განკუთვნილ ობიექტებს სთავაზობს.
იყიდება დასასვენებელი სახლი ,,ქობულეთი'' და მყიდველი ვალდებულია ხელშეკრულების გაფორმებიდან 6-12 თვის ვადაში არანაკლებ 200 ნომრიანი სასტუმრო კომპლექსის მშენებლობა დაიწყოს. პირობების თანახმად, სასტუმროში უნდა განთავსდეს ღია და დახურული აუზები, ჩოგბურთის მოედანი. ინვესტორი ვალდებულია სასტუმრო კომპლექსი ექსპლუატაციაში შესაბამისი ხელშეკრულების გაფორმებიდან 36 თვის ვადაში შეიყვანოს. ქობულეთში, აღმაშენებლის #313-ში განთავსებული შენობის ფართი 15 060.4 კვ/მ-ია, ხოლო მიწის ფართობი -37 502 კვ/მ-ი, მისი კი საპრივატიზაციო ღირებულება 1 კვ/მ-ზე 100 ლარია.
იყიდება ასევე მიწის ნაკვეთები ფიჭვნარის ზოლში. მყიდველი ვალდებულია ხელშეკრულების გაფორმებიდან 6-12 თვის ვადაში დაიწყოს არანაკლებ 150 ნომრიანი სასტუმრო კომპლექსის მშენებლობა და კომპლექსი ექსპლუატაციაში არაუგვიანეს 36 თვეში შეიყვანოს. მიწის ნაკვეთის ფართობი 21 041 კვ/მ-ია და მისი საპრივატიზაციო ღირებულება 1 კვ/მ-ზე 100 ლარი ლარია.
ქობულეთშივე იყიდება 5998 კვ/მ მისი ფართობი და მყიდველი ვალდებული იქნება ხელშეკრულების გაფორმებიდან 6-12 თვის ვადაში დაიწყოს რესტორნების მშენებლობა და ექსპლუატაციაში არაუგვიანეს 18 თვეში შეყვანოს. მისი საპრივატიზაციო ღირებულება კი 1 კვ/მ-ი 150 ლარია.
იყიდება ასევე დაბა ჩაქვი მდებარე მიწის ნაკვეთი (სტადიონი). საპრივატიზაციო პირობა კი არის ის, რომ მყიდველი ვალდებულია ხელშეკრულების გაფორმებიდან 6-12 თვის ვადაში მიწის ნაკვეთზე, სპორტული მოედანისა და შესაბამისი ინფრასტრუქტურის მოწყობა დაიწყოს. ობიექტის საპრივატიზაციო ღირებულება კი 1 ლარადაა განსაზღვრული.
აჭარის მთავრობა გეგმავს ასევე ქობულეთში, აბაშიძის ქუჩა 262 123 კვ/მ მიწის ნაკვეთს, რომლის საპრივატიზაციო პირობა, ტურისტული ინფრასტრუქტურის განვითარების კონცეფციის წარმოდგენაა.
როგორც აჭარის ფინანსთა და ეკონომიკის სამინისტროში განმარტავენ, ობიექტის შესაძლებელია მთლიანად, ან ცალკეულ ნაწილებად პრივატიზება (3-4 ჰა). პირობის თანახმად კი თითოეულ ნაწილზე არანაკლებ 120 ნომრიანი სასტუმრო კომპლექსი უნდა აშენდეს. მიწის ნაკვეთის საპრივატიზაციო ღირებულება კი 1 კვ/მ-ზე 100 ლარია.
იყიდება ასევე გონიოში მდებარე მიწის ნაკვეთი. ტერიტორია დაიყოფა არანაკლებ 5000 კვ/მ მიწის ნაკვეთებად, რომლის თითოეული საპრივატიზაციო პირობად განისაზღვრება: მყიდველი ვალდებული იქნება, თითოეულ მიწის ნაკვეთზე ხელშეკრულების გაფორმებიდან 6-12 თვის ვადაში არანაკლებ 30-50 ნომრიანი სასტუმრო კომპლექსის მშენებლობა დაიწყოს, ხოლო არანაკლებ 30 თვეში ექსპლუატაციაში შეყვანოს კიდეც. საპრივატიზებო ღირებულება 1 კვ/მ-ზე 100 ლარითაა განსაზღვრული.
ინვესტორებს მიწის ფართობის შეძენა შეუძლიათ ასევე ბათუმშიც. უფრო კონკრეტულად კი იყიდება 14 242 კვ/მ-ი მიწის ფართობი, რომლის საპრივატიზაციო ღირებულება 1 კვ/მ-ზე 200 ლარია. მყიდველი ვალდებულია ხელშეკრულების გაფორმებიდან 6-12 თვის ვადაში არანაკლებ 100 ნომრიანი სასტუმრო კომპლექსის მშენებლობა დაიწყოს და ექსპლუატაციში კი არაუგვიანეს 36 თვის განმავლობაში შეიყვანოს.
რაც შეეხება ბათუმში განთავსებულ 9 028 კვ/მ მიწის ფართობს, მისი საპრივატიზაციო ღირებულება 1 კვ/მ-ზე 100 ლარია. მყიდველი ვალდებულია ხელშეკრულების გაფორმებიდან 6-12 თვის ვადაში დაიწყოს აპარტამენტების მშენებლობა, სადაც შენობის 20%-ში სასტუმრო განათავსდება.
აპარტამენტების მშენებლობას ითვალისწინებს ასევე ბათუმში, ტბელ აბუსერიძის ქ. #15-ში განთავსებული 14 143 კვ/მ-ი მის ნაკვეთის საპრივატიზაციო პირობები. პირობების თანახმად, ყიდველი ვალდებულია ხელშეკრულების გაფორმებიდან 6 თვის ვადაში არანაკლებ 45 სართულიანი აპარტამენტების მშენებლობა დაიწყოს, სადაც შენობის 20% -ში განათავსებს სასტუმროს, მიწისქვეშა ავტოსადგომს. ობიექტი კი სიმბოლურ ფასად 1 ლარად იყიდება.
რამდენიმე თვეში კი ბათუმში, ბაგრატიონის ქუჩაზე სავაჭრო ცენტრის მშენებლობა უნდა დაიწყოს. ამ მიზნით, აჭარის მთავრობა 52 000 კვ/მ-ი მიწის ფართობის გასხვისებას გეგმავს. მყიდველი ვალდებულია ხელშეკრულების გაფორმებიდან 6-12 თვის ვადაში დაიწყოს მიწის ნაკვეთზე არანაკლებ 30 000კვ.მ სავაჭრო ცენტრის მშენებლობა, მიწისქვეშა ავტოსადგომით. ობიექტის საპრივატიზაციო ღირებულება კი 1 კვ/მ-ზე 200 ლარადაა განსაზღვრული.
სავაჭრო-საგამოფენო ცენტრის მშენებლობა კი 60 616 კვ/მ-ზე იგეგმება. მიწის ნაკვეთის ახალი მფლობელი ვალდებულია ხელშეკრულების გაფორმებიდან 6-12 თვის ვადაში, აღნიშნულ ტერიტორიაზე, სავაჭრო-საგამოფენო ცენტრისა და მიწისქვეშა ავტოსადგომის მშენებლობა დაიწყოს. ობიექტის საპრივატიზაციო ღირებულება 1 კვ/მზე 70 ლარია.
სამაგიეროდ საგანმანათლებლო ცენტრების მშენებლობა იგეგმება ლეონიძის ქ. #29-სა და ლერმონტოვის ქ.#96-ში. ობიექტების საპრივატიზაციო ღირებულება 1 ლარადაა განსაზღვრული.
