სადაზღვევო კომპანია "ალდაგი ბისიაის" შვილობილმა კომპანია "ჩემი ოჯახის კლინიკამ" ჰოსპიტალური სექტორის განვითარების პროექტის ფარგლებში, ქალაქ ფოთში ახალი სამედიცინო ცენტრი გახსნა, რომელიც აღჭურვილია უახლესი აპარატურით და შეესაბამება საერთაშორისო სტანდარტებს. ახალი სამედიცინო ცენტრი გათვლილია 70 საწოლზე და დაკომპლექტებულია მაღალკვალიფიციური მედპერსონალით. სამედიცინო ცენტრში ინერგება მკურნალობის თანამედროვე მიდგომები. აქ დასაქმებულია 105 ადგილობრივი ექიმი და ექთანი.
ახლად გახსნილ საავადმყოფოში ადგილობრივი მოსახლეობისთვის ხელმისაწვდომი ხდება მაღალხარისხიანი მრავალი პროფილის ჰოსპიტალური, ამბულატორიული და პრეჰოსპიტალური სერვისების მიღება კომფორტულ და თანამედროვე ტიპის პალატებსა და საკონსულტაციო კაბინეტებში.
აღნიშნული პროექტის ფარგლებში ფოთის ცენტრალურ კლინიკურ საავადმყოფოს შესაქმნელად სადაზღვევო კომპანია ალდაგი ბისიაიმ 6 მლნ. ლარის ინვესტიცია განახორციელა.