"დექსუსი" "ცენტრ პოინტის"კიდევ 3 შეჩერებული ობიექტის მშენებლობას განაახლებს. ამჯერად სამშენებლო სამუშაო საცხოვრებელ-კომერციულ კომპლექს "მიონზე", "უნი ჰაუზსა" და ლიკანის დასასვენებელ კომპლექსზე დაიწყება.
ამ პროექტების დასრულების შემდეგ, კუთვნილ საცხოვრებელ და კომერციულ ფართებს 451 მობინადრე მიიღებს. სამივე ობიექტზე სამშენებლო სამუშაო 3 მაისიდან განახლდება და 12 თვეში დასრულდება.
მიონის სამშენებლო სამუშაოს დაწყებას კომპანიის დამფუძნებლებთან ერთად კომპლექსის მობინადრეებიც დაესწრებიან.
საცხოვრებელ-კომერციული კოპლექსის - მიონის საერთო ფართი 28,000 კვ.მ-ია. კომპლექსი დიღმის მასივში, ჩაჩავას ქუჩაზე მდებარეობს.ობიექტზე მთლიანად მოწესრიგდება შიდა და გარეკომუნიკაციები, ეზო მოპირკეთდება და სადარბაზოებთან მისასვლელი საფეხმავლო ბილიკები სრულად მოეწყობა. ფასადი შეიღებება, ბინებში მეტალპლასტმასის კარ-ფანჯარა და შესასვლელი ლითონის კარები დამონტაჟდება. ასევე, სრულად მოპირკეთდება სადარბაზოები. თითქმის ანალოგიური სამუშაო ჩატარდებადანარჩენ ორ ობიექტზეdaც. სამივე კომპლექსის მშენებლობაში დექსუსი 7 მილიონი ლარის ინვესტიციას განახორციელებს.
დექსუსი სამშენებლო სამუშაოს მიმდინარე ეტაპზე 15 კორპუსზე აწარმოებს, რომლის დასრულების შემდეგაც, კუთვნილ საცხოვრებელ თუ კომერციულ ფართებს 1200 მობინადრე მიიღებს. მიმდინარე წელს კომპანია კიდევ 2 ობიექტზე გეგმავს სამშენებლო სამუშაოს წარმოებას.
ცენტრ-პოინტ ჯგუფის რეაბილიტაციის გეგემის მიხედვით, დექსუსი მომდევნო წლებში ყველა შეჩერებული პროექტის ეტაპობრივ განახლებას გეგმავს. კომპანია რეაბილიტაციის ფარგლებში, მთლიანობაში, 95 მილიონი ლარის ინვესტიციას განახორციელებს.