საქართველოს ტექნიკურ უნივერსიტეტს ყაზახეთის ელჩი საქართველოში ადილ ტურსუნოვი სტუმრობდა. საპატიო სტუმარი შეხვდა სტუ-ის რექტორს, პროფესორ არჩილ ფრანგიშვილს.
შეხვედრას, ასევე, ესწრებოდა საერთაშორისო ურთიერთობებისა და სტანდარტების სამსახურის უფროსი, პროფესორი ოთარ ზუმბურიძე.
შეხვედრაზე განიხილეს ტექნიკურ უნივერსიტეტსა და ყაზახეთის უმაღლეს სასწავლებლებს შორის სამომავლო ურთიერთობასა და ურთიერთთანამშრომლობასთან დაკავშირებული საკითხები.
