მოსკოვში რაკეტსაწინაღმდეგო თავდაცვის სისტემის საკითხებისადმი მიძღვნილ კონფერენციაზე ნატოს გენერალური მდივნის მოადგილემ ალექსანდრე ვერშბოუმ განაცხადა, რომ რუსეთის ფედერაციის გენშტაბის ხელმძღვანელობის გამოსვლებმა ვერ დაარწმუნეს ნატო იმაში, რომ "ევროპრო" მოსკოვისათვის საფრთხეს წარმოადგენს. რუსული მედიის ინფორმაციით, სხვათაშორის, რუსი სამხედროები კონფერენციაზე კონკრეტულ საგრთხეებზე და პრევენციული დარტყმის მიყენებაზეც საუბრობდნენ.
რუსეთის წარმომადგენლების საპასუხოდ, ნატოს ხელმძღვანელობამ განაცხადა, რომ რუსეთის გენერალური შტაბის დასკვნები, რომელთა მიხედვითაც ალიანსის "ევროპრო" რუსეთისათვის საფრთხის შემცველია არადამაჯერებელი იყო.
"ჩვენი სისტემა არ შენდება და არ იქნება მიმართული რუსეთის წინააღმდეგ",_ განაცხადა ნატოს გენერალუირ მდივნის მოადგილემ ალექსანდრე ვერშბოუმ.
"დღეს ჩვენ გვესმის, რომ რუსეთისათვის მიუხედავად ყველაფრისა საფრთხე მაინც არსებობს. რა თქმა უნდა მე პატივს ვცემ ბატონ მაკაროვს და გენერალ გერასიმოვს, მაგრამ თქვენ მე ვერ დამარწმუნეთ", _ განაცხადა ვერშბოუმ.
ამის შემდგე განცხადება, აშშ-ს თავდაცვის მინისტრის თანაშემწემ გააკეთა. მადლენ კრიდონის განცხადებით, აშშ-ს გეგმებში შედის რაკეტსაწინაღმდეგო თავდაცვის სისტემის განთავსება 2021 წლისათვის. მისივე თქმით, "პრო"-ს სისტემის განთავსება ოთხი ეტაპისაგან შედგება.
აღსანიშნავია, რომ დღეს მოსკოვში რაკეტსაწინაღმდეგო თავდაცვის სისტემის საკითხებისადმი მიძღვნილი საერთაშორისო კონფერენცია გაიხსნა, რომელსაც მსოფლიოს 50 ზე მეტი სახელმწფოს წარმომადგენელი ესწრება.
კონფერენცია რუსეთის თავდაცვის მინისტრმა ანატოლი სერდიუკოვმა გახსნა და ამ საკითხში აშშ-სა და რუსეთს შორის არსებულ ჩიხში შესულ სიტუაციაზე ისაუბრა.
"ურთიერთმისაღბი გადაწყვტილებების მიღება ჯერ ჯერობით ვერ ხერხდება და სიტუაცია პრაქტიკულად ჩიხში შედის", _ განაცხადა სერდიუკოვმა და აღნიშნა, რომ "პრო"-ს თემა რუსეთისათვის საგარეო პოლიტიკური პრიორიტეტია და სწორედ მასზე დამოკიდებული ქვეყნის თავდაცვისუნარიანობა.
"თუ კომპრომისის მიღწევა ვერ მოხერხდება რუსეთს მოუწევს სხვა გზის ძებნა ახალ სარაკეტო საფრთხეებზე. ახლა ჩვენს შორის დილემა დგას: ან ჩვენ ტესტს გავივლით და თანამშრომლობას გავბაგრძელებთ, ან იძულებულნი ვიქნებით სამხედრო-ტექნიკური ზომები განვახორციელოთ", _ განაცხადა რუსეთის თავდაცვის მინისტრმა.