საქართველოს სავაჭრო-სამრეწველო პალატის ორგანიზებით, წლის დასაწყისიდან საქართველოსა და საზღვარგარეთ გაიმართა საქართველო-ჩეხეთის, საქართველო-სამხრეთ კორეის, საქართველო-უკრაინის, საქართველო-ირანის ბიზნესფორუმები, შედგა ბიზნესის შეხვედრები თურქეთის რესპუბლიკაში, საინვესტიციო ფორუმები კატარსა და დუბაიში. მოეწყო შეხვედრები სხვადასხვა სექტორის წარმომადგენლებთან, ბიზნესასოციაციებთან. შედგა პალატის პრეზიდენტის საქმიანი ვიზიტები ლიბანში, გერმანიაში, იტალიაში, არაბთა გაერთიანებულ საემიროებში, სადაც პალატის პრეზიდენტმა გააფორმა ურთიერთთანამშრომლობის მემორანდუმები ადგილობრივ სავაჭრო პალატებთან და ადგილობრი ბიზნესსაზოგადოებას გააცნო საქართველოს ბიზნესგარემო და საინვესტიციო შესაძლებლობები .
სავაჭრო-სამრეწველო პალატამ წლის დასაწყისიდან ბიზნესს განახლებული სერვისები შესთავაზე, რომელთა შორის მნიშვნელოვანი ინიციატივაა პალატის Golden წევრის სტატუსის მინიჭება. აღნიშნული სტატუსის მქონე კომპანიები სავაჭრო-სამრეწველო პალატის სერვისებით სარგებლობისას შეღავათებით სარგებლობენ. უფრო კონკრეტულად კი სავაჭრო-სამრეწველო პალატის Golden სტატუსი გულისხმობს: ელ-წარმოშობის სერტიფიკატის 2 დღის შემდეგ უფასო გაცემას; საბუთების დამოწმებას 50%-ანი ფასდაკლებით; კომპანიის შესახებ უცხოელი ინვესტორების ინფორმირება 50%-იანი ფასდაკლებით; ფორსმაჟორის დადასტურებას 20%-იანი ფასდაკლებით (რეგისტრაციიდან ერთ თვეში უფასო); პარტნიორის მოძიებას უფასოდ; პროტოკოლის საბაზო მომსახურებას 10%-ანი ფასდაკლებით; საქართველოში ბიზნეს-ფორუმებში უფასო მონაწილეობასდა სხვა. აგრეთვე: შტრიხკოდების, ჰოლოგრამების, ხარისხის სერთიფიკატის მინიჭებას; არბიტრაჟი, მთარგმნელობით მომსახურებას, სასაქონლო ექსპერტიზას და სამთავრობო შეხვედრების ორგანიზებას.
რაც ყველაზე მნიშვნელოვანია, Golden სტატუსის მქონე კომპანიებს საშუალება აქვთ მონაწილეობა მიიღონ პალატის მიერ ორგანიზებულ ღონისძიებებში.
დღესვე სავაჭრო-სამრეწველო პალატის Golden წევრის სტატუსის მქონე 10 კომპანიას: შპს „ემ ეს სი ჯორჯია"; შპს „ელ ჯი"; შპს დექსუსი; სს „პოპული"; სს "ჯი პი სი"; შპს "სოკარჯორჯიაპეტროლეუმი"სს ვისოლ პეტროლიუმ ჯორჯია; სს "ელმავალმშენებელი"; სს „საქართველოს ბანკი"; "ეიპიემტერმინალს ფოთი", პალატის პრეზიდენტმა კახა ბაინდურაშვილმა სპეციალური სერტიფიკატები გადასცა. როგორც ბიზნესი განმარტავს, Golden სტატუსი მათ საშუალებას აძლევს სხვადასხვა ბენეფიტებით ისარგებლონ.
"ვისოლისთვის" დიდი პატივია, რომ Golden სტატუსი მივიღეთ, რადგანაც სავაჭრო-სამრეწველო პალატას ძალიან დიდი დატვირთვა აქვს. პალატა აძლევს საშუალებას ბიზნესს, რომ მათი კომპანიები წარმოდგენილნი იყვნენ სხვადასხვა ქვეყანაში. სწორედ სავაჭრო-სამრეწველო პალატა თამაშობს მედიატორის როლს ინვესტორსა და ქვეყანაში არსებულ ბიზნესსექტორს შორის"- აღნიშნა "ვისოლის"- გენერალურმა დირექტორმა ვასილ ხორავამ