ბიზნესომბუდსმენი 2012 წლის მთავარ გამოწვევად ევროზონის კრიზისს და რუსეთის ბაზრის შესაძლო გახსნას ასახელებს. გიორგი პერტაია ბიზნესს აფრთხილებს, რომ რუსეთის ბაზარზე შესვლისას ფრთხილად იყვნენ, რათა დიდია რისკი, რომ იგივე განმეორდეს, რაც რამდენიმე წლის წინ.
პერტაიას განმარტებით, კარგი იქნება, თუ ბიზნესი ანგარიშსწორებას საქართველოში მოახდენს, ანუ საქონლის იმპორტისას თანხის გადახდა ადგილზე მოხდება და არა რუსეთში, დახლებზე, როგორც ადრე იყო.
ბიზნესომბუდსმენი აცხადებს, რომ 2012 წელი საარჩევნო წელია და კარგი იქნება, თუ ნებისმიერი პოლიტიკოსი, როდესაც ბიზნესის პრობლემებზე საუბრობს, დაკონკრეტდეს და პრობლემის შესახებ კონკრეტულ ბიზნესზე ილაპარაკოს, და არა მთლიანად ბიზნესის. როგორც ბიზნესომბუდსმენი განმარტავს, ასეთი ლოგიკით, ანუ როდესაც პოლიტიკოსი განცხადებას აკეთებს, რომ ბიზნესს პრობლემა აქვს, აღნიშნული სრწაფ ასახვას პოვებს ინვესტორებზედაც.
პერტაია განმარტავს, რომ წელს მთავრობასა და ბიზნესს შორის კომუნიკაცია კიდევ უფრო უნდა შედგეს, რათა ნებისმიერ ბიზნესს მთავრობამდე საკუთარი პრობლემის მიტანა შეეძლოს.
