ბიზნესომბუდსმენი ახალი ინიციატივით გამოდის და ხელისუფლებას სთხოვს, რომ "საგადასახადო კოდექსში" ცვლილებები უფრო ნაკლები ინტენსიურობით შევიდეს.
პერტაიას განმარტებით, სასურველია, რომ კოდექსში ცვლილებები, ვთქვათ, კვარტალში ერთხელ ან წელიწადში ორჯერ შევიდეს, რადგანაც როგორც ბიზნესომბუდსმენი განმარტავს, მას ხშირად ბიზნესისგან უკმაყოფილებები ესმის "საგადასახადო კოდექსში" შეტანილი "ყოველდღიური" ცვლილებების შესახებ.
ბიზნესომბუდსმენი აცხადებს, რომ ბიზნესი ასეთი ხშირი ცვლილებებით ოდნავ უკმაყოფილოა, რადგანაც ისინი ჩივიან, რომ მათი ყოველი დღე "საკანონმდებლო მაცნეს" კითხვით იწყება, რათა გაიგონ კიდევ თუ რა ცვლილებები შევიდა კიდევ კოდექსში.
პერტაია აცხადებს, რომ კარგია როდესაც კოდექსი იხვეწება და ის ბიზნესის განვითარებაზე ორიენტირებული ხდება, თუმცა ბიზნესის შენიშვნებიც გასათვალისწინებელია, რათა ყოველი ცვლილება ბიზნესის მხრიდან სათანადო აღქმა სჭირდება, რასაც გარკვეული პერიოდიც ესაჭიროება.
აღსანიშნავია, რომ ბოლო პერიოდში "საგადასახადო კოდექსში" უკვე 300-ზე მეტი ცვლილება შევიდა.