ქდმ-ის საერთაშორის მდივანი გიორგი რუხაძე ბრიუსელში ევროპის ქრისტიან პოლიტიკური მოძრაობის თავმჯდომარესა და მმართველი საბჭოს წევრებს შეხვდა. საუბარი საქართველოში მიმდინარე პოლიტკურ მოვლენებს, გამოწვევებსა და მომავალ საპარლამენტო არჩევნების სამართლიანად და კონკურენტულ გარემოში ჩატარების აუცილებლობას შეეხო. გიორგი რუხაძემ კოლეგებს ქართეველი "ქრისტიან-დემოკრატების" წინასაარჩევნო პროგრამა და სამომავლო გეგმები გააცნო. შეხვედრა ასევე შედგა კონსერვატორებისა და რეფორმისტების ალიანსის გენერალურ მდივანთან დანიელ ჰანენთან. მხარეებმა ევროპელი კონსერვატორებისა და ქართველი "ქრისტიან-დემოკრატების" ურთიერთობების გაღრმავებაზე და საერთო პროგრამებზე ისაუბრეს.
"ქრისტიან-დემოკრატების" საერთაშორისო მდივანი ბრიუსელში ლონდონიდან ჩავიდა, სადაც ის თბილისის საკრებულოს დეპუტატ ზაზა გაბუნიასთან ერთად ბორის ჯონსონის მიწევევით ლონდონის მერის წინასაარჩევნო კამპანიაში მონაწილეობს. "ქრისტიან-დემოკრატების" დელეგაცია თბილისში 4 მაისს დაბრუნდება.