სამშენებლო მასალებსა და ნაკეთობებს ამიერიდან "სამშენებლო და ტექნიკური ლაბორატორია" გააკონტროლებს. ამ მიზნით აჭარაში კიდევ ერთი სტრუქტურული ერთეული - სამშენებლო და ტექნიკური ლაბორატორია იქმნება. ახალი სტრუქტურის შექმნაზე დღეს აჭარის მთავრობის სხდომაზე მსჯელობდნენ.
ლაბორატორიის მიზანია სამშენებლო მასალებისა და ნაკეთობების, ასევე სხვადასხვა სახის საინჟინრო-ტექნიკური დანადგარ-მოწყობილობების ფიზიკა-მექანიკური პარამეტრების გამოკვლევა-დადგენა და სათანადო რეკომენდაციების მომზადება. ასევე, სამშენებლო პროცესის, მშენებლობის პროცესში სამშენებლო ნაკეთობებისა და სხვა დანადგარ-მოწყობილობების უსაფრთხოების, აგრეთვე, სხვადასხვა დანიშნულების დანადგარ-მოწყობილობების უსაფრთხო ექსპლუატაციის ხელშეწყობა.
